Thread	Posts	Last Post
	Archive through June 28, 2006	20	06-28-06  1:32 pm

Moodi Thursday, June 29, 2006 - 3:09 pm:      दिनेश काल हे जैसलमेरी चणे केले होते, मस्तच झाले होते. पण थोडा चना मसाला पण घातला मी त्यात.

Dineshvs Thursday, June 29, 2006 - 5:13 pm:      आता मन्नुच्या आजीच्या मागे लागुन, आणखी रेसिपी मिळवायला हवी. त्या बिचार्‍या कुठली फ़र्माईश केली तर लगेच करुन देतात.

Arch Thursday, June 29, 2006 - 5:29 pm:      मूडी, तुझ modification ठिक आहे. पण कधी कधी काय होत पदार्थाची मूळची चव बदलून जाते म्हणजे जैसलमेरी चने जैसलमेरी छोले होऊन जातात. हे आपल माझ मत.

Moodi Monday, July 03, 2006 - 3:47 pm:      आर्च बरोबर आहे गं तुझ, पण माझ्याकडची आमचूर पावडर अन चाट मसाला पण संपला होता ना म्हणून घातला चना मसाला. छोल्यासारखे नाही लागले.

Shonoo Wednesday, July 05, 2006 - 6:39 pm:      दिनेश्: हिरवे चणे घेतले मी आणि ठेचायचा जरा आळस केला. पण तरिही छानच झाले होते. दोन मैत्रिणींनी रेसिपी लिहून पण घेतली. तुम्हाला आणि मन्नु च्या आजीला धन्यवाद. नवीन काही रेसिपी मिळाल्या की टाका लवकर.

Dineshvs Thursday, July 06, 2006 - 4:28 pm:      हरे छोले ४ जणांसाठी मारवाडी लोक चण्याचा अनेकप्रकारे ऊपयोग करतात. भाज्या, फरसाण. गोड पदार्थ अनेक असतात. हा जरा वेगळा प्रकार. दीड कप काबुली चणे, म्हणजेच छोले बारा तास पाण्यात भिजत घालावे. अर्धा कप चण्याची डाळ पण भिजवुन घ्यावी. एके ईंच दालचिनी, १ टेबलस्पुन जिरे, १ टेबलस्पुन धणे, एका मोठ्या वेलचीचे दाणे आणि ४ लवंगा जरा गरम करुन त्याची पुड करुन घ्यावी. दीड कप कापलेली कोथिंबीर व दोन तीन हिरव्या मिरच्या यांची चटणी वाटुन घ्यावी. तीन चहाचे चमचे भरुन आले लसुण पेस्ट तयार ठेवावी. चणे व डाळ एकत्र करुन कुकरमधे मऊ शिजवुन घ्यावे. तेल व तुप एकत्र तापवुन त्यात दोन्चार मिरीचे दाणे ठेचुन घालावेत. दोन कांदे ऊभे चिरुन परतुन घ्यावेत. ते खमंग तळले गेले कि त्यात आलेलसुण पेस्ट परतावी. थोडे परतुन वरचा कोरडा मसाला परतावा. त्यात ३ टिस्पुन आमचुर व हळद घालावी. मग त्यात कोथिंबीरीचे पेस्ट घालुन मंदाग्नि वर परतावे. त्यावर चणे घालावेत. नीट मिसळुन एक कप पाणी घालावे. मीठ घालावे. सैंधव असले तर जास्त चांगले. दोन्ही मिसळुन वापरावे. हिरव्या मिरच्या तेलात अख्ख्या परतुन वरुन घ्याव्यात. वरुन परत थोडी कोथिंबीर पेरावी. हवे असेल तर थोडे तुप गरम करुन त्यात लाल तिखट घालुन वर ओतावे. पोपटी रंगाची हि भाजी खुप छान दिसते आणि वेगळीच लागते.

Madhavm Sunday, July 23, 2006 - 5:26 pm:      दिनेश अगदी मस्त झाले होते हरे छोले!

Mrinmayee Thursday, August 17, 2006 - 2:33 pm:      ही माझ्या आजीनी दिलेली रेसिपी. बरीच वर्ष अजमेरला काढल्यामुळे तीथले पदार्थ ती शिकली. हा पदार्थ खावा मात्र हिवाळ्यात. तसंच बाळंतीणीला (कुठल्याही सीजनमधे देता येण्यासारखा) आवर्जून खाऊ घालतात. १ वाटी जाड दळलेला गहु (एकाचे चार तुकडे इतपत जाडा, अमेरीकेत broken wheat नावानी मिळतो. अर्धी वाटी सालासगट मुग़ाची डाळ (ही या पदार्थाच्या गरम पडणार्‍या घटकांना संतुलित राखायला) ६-८ मिरे मीठ ८ लसूण पाकळ्या सुकं खोबर (पाव डोल) -गसवर वरून काळं होईपर्यंत भाजून. (घरात स्मोक डीटेक्टर असणार्‍यांनी विकत मिळणारा खोबरं कीस तव्यावर डार्क ब्राऊन होईपर्यंत भाजावा) ३ वाट्या पाणी ३मोठे चमचे साजुक तुप. (किंवा १ चमचा तुप आणि २ चमचे तेल वेगवेगळं) कृती: * प्रेशरकुकर मधे जरासं तेल / तुप घालून धुतलेली डाळ आणि गहू परतावे. त्यात पाणी घालून १ शिटी येऊन शिजु द्यावे. मिरे, मीठ, लसूण आणि भाजकं खोबरं एकत्र करून (पाणी न घालता) मिक्सर मधून बारिक करावं. * १ चमचा तेल किंवा तुप गरम करून त्यात हे वाटण अगदी थोडा वेळ परतावं. * प्रेशरकुक झालेला गहु आणि डाळ यावर ओतून एकजीव होईपर्यंत घोटावं. * वरून साजुक तुप सोडून गरम गरम खावं!

Sanash_in_spain Thursday, August 17, 2006 - 10:02 pm:      मृण्मयी, मस्त वाटतीये गं कृती. मागच्याच आठवड्यात माझी एक जयपुर ची मैत्रिण असाच काहीतरी पदार्थ सांगत असल्याचे आठवतयं मला. पण ते दळलेले गहू तिला कुठे मिळाले हे विचारते आणि मग मिळाले तर ट्राय करते आणि सांगते.

Mai Thursday, June 28, 2007 - 10:28 pm:      दिनेश, काळे चणे म्हणजे काळे हरभरे का? की काळे वाटाणे?हिरवे व पान्ढरे वाटाणे पाहिले आहेत, पण काळे वाटाणे पाहिल्याचे आठवत नाहि.

Dineshvs Friday, June 29, 2007 - 5:10 pm:      या कृतित काळे चणेच वापरले आहेत. पण हिरवे चणेही चालतील. चणे म्हणजेच हरभरे. पण तसे काळे वाटाणेही असतात. वाण्याच्या दुकानात मिळतात. खास करुन कोकणात वापरतात.

Marathifan Friday, July 06, 2007 - 6:02 pm:      दिनेश ह्या काळ्या चण्यान्ना 'काळे पोलिस' पण म्हणतात का? पुण्यात असताना आमच्या ऑफ़ीस मधे एकानी आणले होते.. नाव काय विचारल तर म्हणे 'काळे पोलिस....' आम्ही सगळे खूप हसलो मग...

Ksmita Friday, July 06, 2007 - 8:14 pm:      काळे पोलीस म्हणजे black beans ! राजमा (kidney beans) सारख्या पण आकाराने थोड्या लहान व रंग अगदी काळा . माझ्या लहानपणी काळे, लाल, पांढरे असे बरेच पोलीस खाल्ले आहेत काळ्या पोलीसाची उसळ दिसायला तितकीशी आकर्षक वाटत नाही

Dineshvs Saturday, July 07, 2007 - 4:41 pm:      स्मिता एकदा या काळ्या बीन्सचा मी पुलाव केला होता. आणि भाताला निळसर रंग आला होता. चव काहि खास नव्हती.

Manuswini Sunday, July 22, 2007 - 4:44 am:      राजस्थानी डाळ, मला माहीत नाही इथे आधी कोणी ही रेसिपी दीलीय का ते, पण ही मी आताच बनवुन,खावून(हादडून) आले. ही माझ्या मैत्रिणीचीच्या आईने बनवली होती. ही तीची पद्धत आहे. १ वाटी चणाडाळ, १ वाटी मूगडाळ, अर्धा वाटी तूरडाळ, २ चमचे बेसन, २ चमचे कणीक भाजुन घ्यायची नी गुठळी न होता पाणी टाकुन भिजवून ठेवायची. वरील डाळी सर्व १ तास आधी भिजवून ठेवुन द्यायच्या. मग कूकरला लावताना त्यात आले किसलेले,दालचीनीची एक काडी, लवंगा दोन, २ दाणे काळमीरी,हळद टाकुन शिट्या काढायच्या. डाळ घोटायची नाही का लगदा नाही करायची, १ मोठा कांदा, १ (पाहीजे असल्यास लसुन ठेचलेले), १ चमचा आमचूर पावडर, वा लिंबु रस, बारीक कोथींबीर( माझी आवड म्हणुन), अगदी एक चिमटी ओवा पूड (भरपूर पडली तर पदार्थाची चव जाईल, बहुतेक इतक्या डाळी खाणार म्हणुन "वायु" त्रास होवु नये ह्या साठी टाकत असतील). फोडणीला कांदा, आले,हिरवी मिरची कापलेली चविनुसार,लाल मिरची एखादी(शोभेला),लसुण टाकुन परतायचे, मी रोजच्या सारखे हिंग टाकले सुद्धा. btw मी शुद्ध तूपाची फोडणी दीली. मग गरम मसाला टाकायचा व लगेच त्यात डाळ परता अशी फोडणी मस्त चव देते, तेलावर तो गरम मसाला टाकून डाळ ओतली की,करून पहा) म्ग ते कालवलेले पिठ,लिंबू रस किंवा आमचूर टाका. नी पाणी आपल्या आवडीनुसार, वर कोथींबीर टाकुन बाजरीची भाकरी किंवा ज्वारीचा रोटला खा. पाहीजे असल्यास तूप टाका आणखी घेताना.

Jui_flower Tuesday, May 06, 2008 - 3:35 pm:      कुनला दाल धोकलि कसे बनवतात महिति आहे का?

Dineshvs Tuesday, May 06, 2008 - 5:37 pm:      इथे लिहिलेल्या लोकाना, बहुतेक माहित असावी. , /hitguj/messages/103383/59846.html?1127880323