|
चिंगूताई, दिनेश त्यांची रेसिपी देतीलच, तोपर्यंत मी ही भाजी कशी करते हे सांगते.
साहित्य:- १. नवलकोल (Kohlrabi) २ छोटे, जास्त मोठे असल्यास जून निघतात.
२. थोडीशी चणाडाळ आणि शेंगदाणे, भिजत घालून ठेवणे.
३. नारळाचे दूध विकतचे घेतल्यास घट्ट असते म्हणून १ वाटीभर.
४. बेसन १ मोठा चमचा भरून.
५.लवंग, दालचिनी, जिरे,धने पूड सर्व मिळून १ मोठा चमचा.
६. चिंचेचा कोळ १ चमचा.
७.गूळ व मीठ चवीनुसार.
८. फोडणीचे साहित्य.
९. आवडत असल्यास हिरवी मिरची, नाहीतर लाल तिखट छोट चमचाभरून.
कृती:- १. नवलकोलाची साले काढून छोटे तुकडे करावेत व कुकरमधे शिजवून घ्यावे. शिजवतानाच डाळ आणि शेंगदाणे सुद्धा त्यातच घालावेत.
२. नारळाच्या दुधात लाल तिखट, धने, जिरे इ. पूडी घालून, चिंचेचा कोळ, गूळ,मीठ घालून तयार ठेवावे. त्याला पाण्यात कालवून बेसन लावावे व अजून थोडे पाणी घालून थोडेसे पातळसर दूध बनवून ठेवावे.
३. पातेल्यात तेलाची फ़ोडणी करून, कढीपत्ता आणि मिरच्यांचे तुकडे घालून मग नवलकोलाचे तुकडे, डाळ आणि शेंगदाणे घालून परतावे.
४. मग तयार केलेले नारळाचे दूध घालून उकळावे, जास्त घट्ट होऊ देऊ नये.
५. वरती चिरलेली कोथिंबीर घालावी.
खाली नवलकोलाचे (Kohlrabiआमच्याकडे मिळते तशा भाजीचे) चित्र देत आहे.
|
Psg
| |
| | Wednesday, February 22, 2006 - 9:20 am: | 
| 
|
वा, चित्रासकट परिपुर्ण recipe ! 
मी अशीच करते. नारळाचे दूध नाही, ओल खोबर घालून नुसतीच शिजवते, पण त्यामुळे नवलकोलाचा उग्र वास पुर्णपणे जात नाही. नारळाच्या दूधामुळे यायचा नाही. idea छान आहे!
|
पूनम, या पद्धतीने नवलकोलाची भाजी केलीस तर उग्र वास येणार नाहीच आणि कोणाला कळणार सुद्धा नाही,त्यात नवलकोल आहे हे. खूप छान होते भाजी.
अगं चित्र यासाठी, की मी नक्की कशाला नवलकोल म्हणतेय हे कळलेले बरे. उगाच गोंधळ नको. 
|
Nandita
| |
| | Wednesday, February 22, 2006 - 9:42 am: |
|
|
संपदा चित्र टाकलस हे बर केलस हं, मलाही नवलकोल बद्दल confusion hÜt
|
Moodi
| |
| | Wednesday, February 22, 2006 - 9:44 am: |
|
|
संपदा मस्त आहे कृती. मी नेहेमी मुगडाळ घालुन करते, मात्र नारळाचे दुध नाही कधी वापरले, आता बघितले पाहिजे तसे करुन.
|
माझी आई नेहमी याच पद्धतीने करते ही भाजी. असाही आमच्याकडे नारळ किंवा नारळाचे दूध आणि चिंच गूळ सर्वच भाज्यांत असतो.
मला वाटते, सौ. निर्मला टिळक ह्यांच्या' पार्टी पार्टी' ह्या पुस्तकात अशीच कृती दिलेली आहे.
|
Chingutai
| |
| | Wednesday, February 22, 2006 - 11:20 am: |
|
|
Thanx Sampada.
Aaj ghari gele ki karun pahate.
Mazi Aaji, Navalkolache don tukade karun te Naralasarakhe khavanayachi...itakach aathvatay
-chingi
|
Dineshvs
| |
| | Wednesday, February 22, 2006 - 3:48 pm: |
|
|
हि माझी खास आवडीची.
दोन मध्यम अलकोल किसुन घ्यावेत. पिळु नयेत. अर्धा ईंच आले, बारिक चिरुन घ्यावे.
तेलाची फ़ोडणी करुन त्यात मोहरी, कडीपत्ता व आले घालावे. हिंग हळद घालुन, हवा तर एक लहान बारिक चिरलेला कांदा घालावा. ( घातला नाही तरी चालेल ) मग त्यावर किस टाकावा. जरा परतुन पाण्याचे झाकण ठेवावे.
नीट शिजला कि त्यावर लाल तिखट घालावे, मीठ घालावे. हवे तर थोडे ओले खोबरे घालावे. व वरुन पाऊण कप बेसन शिवरावे. नीट परतुन साधारण कोरडे करावे. आंबटपणासाठी फ़ोडणीत एखादा टोमॅटो बारिक चिरुन घातला तर चव छान येते व रंगसंगती पण छान दिसते.
मंद आचेवर जरा खमंग भाजले तर मोकळी होते हि भाजी.
|
Dineshvs
| |
| | Wednesday, February 22, 2006 - 3:54 pm: |
|
|
अलकोल कसा बघुन घ्यायचा त्याबाबत मी लिहिले होतेच, परत लिहितो.
अलकोल जमिनीच्या वर लागतो, त्यामुळे त्याला माती नसते, खाली मुळ असेल तर चांगले, भारतात ते तासुन टाकलेले असते.
पाने पिवळी पडलेली नसावीत. बाहेरचे पान ओढले तर ते चटकन तुटायला हवे. त्या बरोबर जर काहि शिरा आल्या तर, अलकोल जुन असतो. साधारण ५ सेमी पेक्षा जास्त व्यासाचा घेऊ नये, जांभळट छटा असली तरी घेऊ नये.
अलकोलच्या पानाची पण चणा डाळ घालुन भाजी करतात.
|
Arch
| |
| | Wednesday, February 22, 2006 - 4:41 pm: |
|
|
माझ्या आईची खास recipe :
नवलकोल जसा नारळ खऊन घेतो तसा खऊन घ्यायचा. वरच टरफ़ल नारळाच्या करवंटीप्रमाणे रहात. मग हिंग, मोहोरी, कढिपत्ता, आणि हिरव्या मिरच्याची फ़ोडणी करून थोडी हळद घालायची. त्यात भिजवलेली मूगाची डाळ टाकायची. ती थोडी परतली की त्यात खवलेला नवलकोल घालायचा. एक वाफ़ आली की भरपूर खवलेला नारळ, कोथिंबीर, चविपुरती साखर आणि मिठ घालायच. हव असेल तर थोड लिंबू पिळायच. ह्या भाजीला अजिबात उग्र वास येत नाही. खूपच पटकन होते आणि दिसतेपण छान.
|
Charu_ag
| |
| | Tuesday, April 04, 2006 - 1:16 pm: |
|
|
संपदा, तुझ्या पद्धतीने भाजी बरेचदा केली होती. यावेळी थोडा वेगळा प्रकार केला. अर्थात मूळ कृती तुझीच आहे. फक्त भाजी ऐवजी सूप केले. चिंच, गुळ, डाळ घालुन नवलकोल कुकरमध्ये शिजवला. गार झाल्यावर हे मिश्रन चांगले घोटुन घेतले. जिर्‍याची फोडनी केली आणि बेसन न घालता फक्त नारळाचे दुध घालुन उकळले. चवीला छान लागते हे सूप.
|
Dineshvs
| |
| | Tuesday, April 04, 2006 - 3:38 pm: |
|
|
आपल्यापेक्षा यरोपीअन अलकोल चवीला जास्त गोड असतात. हो ना ?
|
खरंय दिनेश. मी अशा पद्धतीने केलेली नवलकोलाची भाजी मिटक्या मारत खाते हे माझ्या घरच्यांना खरंच वाटत नव्हते.
|
|
| चोखंदळ ग्राहक |
|
| महाराष्ट्र धर्म वाढवावा |
|
| व्यक्तिपासून वल्लीपर्यंत |
|
| पांढर्‍यावरचे काळे |
|
| गावातल्या गावात |
|
| तंत्रलेल्या मंत्रबनात |
|
| आरोह अवरोह |
|
| शुभंकरोती कल्याणम् |
|
| विखुरलेले मोती |
|
|
|
| हितगुज गणेशोत्सव २००६ |
|
|